Skip to content
Премалку или премногу сон може да го забрза стареењето на мозокот, срцето, белите дробови и имунолошкиот систем и да биде поврзано со голем број болести, објави Euronews.
Меѓународен тим научници анализирал податоци од речиси половина милион учесници од UK Biobank и идентификувал јасен модел.
Луѓето кои редовно спијат помалку од шест часа или повеќе од осум часа покажуваат знаци на побрзо биолошко стареење на телото.
Истражувачите користеле таканаречени „биолошки часовници за стареење“ – алатки за вештачка интелигенција кои проценуваат дали некое лице старее побрзо или побавно од неговата вистинска возраст врз основа на скенирање на мозокот, крвни тестови и хемиски маркери во телото.
Резултатите покажуваат врска во облик на буквата U – луѓето со просечно времетраење на спиењето имаат најдобри индикатори, додека оние во двата крајности имаат потешко биолошко стареење.
Врската е забележана во различни органи и системи, вклучувајќи го мозокот, белите дробови, црниот дроб, имунолошкиот систем, кожата и метаболизмот.
Недоволниот сон е поврзан со поголем ризик од депресија и анксиозност, како и срцеви заболувања, дијабетес тип 2, дебелина, астма и проблеми со варењето.
„Широкиот модел на мозок-тело е важен бидејќи покажува дека времетраењето на спиењето е длабоко вкоренето во нашата целокупна физиологија“, рече водечкиот автор Џунхао Вен од Универзитетот Колумбија во САД.
Според научниците, премногу сон е поврзан и со здравствени проблеми, иако во некои случаи може да биде резултат на претходно постоечки болести.
Истражувачите нагласуваат дека студијата не докажува директна причинско-последична врска помеѓу спиењето и стареењето, но покажува силна корелација помеѓу двете.
