Министерството за спорт бара извинување и најавува казни за скандалозното славје на Вардар

Министерството за спорт излезе со своја реакција по вчешраното видео на кое фудбалерите на Вардар славеа со навредлива и вулгарна песна.

„Во однос на синоќешните видеоснимки кои се појавија од прославата на ФК Вардар, како Министерство, но и од мое лично име како министер за спорт, сакаме да ја известиме македонската јавност дека недвосмислено го осудуваме ваквиот тип прослави, кои вклучуваат навреди по која било основа, особено доколку во нив се вклучени спортски работници, играчи, селектори и лица од јавниот живот“ се вели во соопштението.

„Ги разбираме ривалствата меѓу екипите, но не треба да се заборави дека спортот се игра за публиката и дека сите чинители имаат одговорност кон јавноста и општеството“, стои во реакцијата.