Шест лица мртви во масовно пукање на повеќе локации

Шест лица загинаа во масовно пукање на повеќе локации, во она што полицијата го нарекува „очигледен семеен спор“ во градот Маскатин во американската држава Ајова.

„Денес сум без зборови поради овој чин на зло и она што тој ѝ го направи на нашата заедница“, изјави началникот на полицијата во Маскатин, Ентони Кис, на прес-конференција во понеделник.

Според полицијата, во серија убиства, жртвите биле убиени во две куќи и една деловна зграда, а случајот се третира како семејно насилство, објавува ABC.

Пукањето било пријавено околу 12:12 часот по локално време во понеделник, а првите реагирачи пронашле четири жртви застрелани до смрт во еден дом.

Осомничениот, Рајан Вилис Мекфарланд, 52, ја напуштил куќата пред да пристигне полицијата, која го пронашла кратко време подоцна на патека покрај реката Мисисипи.

„Додека полицијата разговарала со Рајан Вилис Мекфарландон, тој си го одзел животот. Полицијата и персоналот пружиле секаква помош, но тие можеле да прогласат само смрт“, рече Кис.

За време на истрагата, детективите дознале дека може да има повеќе жртви, а подоцна пронашле уште двајца убиени мажи, соопштија властите.

Едниот бил пронајден во куќата, додека другиот во блиска деловна зграда.

„Прелиминарните наоди укажуваат дека пукањето произлегло од семејна расправија. Се верува дека сите жртви се членови на семејството на починатиот осомничен“, соопшти полициската управа.

Началникот на полицијата изјави дека осомничениот има криминално досие, но не даде детали, ниту информации за жртвите. Истрагата е сè уште во тек.