Skip to content
Украина очекува да добие јасна покана за поедноставна процедура за пристапување во НАТО за време на состанокот на Алијансата следниот месец во Литванија, изјави советникот на украинското претседателство Андриј Јермак.
„Позицијата на Украина е дека очекуваме како резултат да добиеме покана за поедноставна процедура за прием (во Алијансата) за време на самитот во јули. Но, исто така е важно да се добие сосема јасен знак кој ќе го опише патот на Украина кон членството во НАТО“, изјави тој на брифингот за германските медиуми.
