Денес продолжува топлотниот бран, до 39 степени

Денес во Македонија ќе преовладува сончево и многу топло време, со мала до умерена локална облачност. Највисоките температури ќе достигнат до 39 степени во Кавадарци, 38 во Скопје и 37 степени во Кочани, Гевгелија и Струмица.

Пониски температури се очекуваат во езерските и повисоките западни предели. Во Охрид максималната температура ќе биде околу 30 степени, во Дебар 27, а во Битола, Струга, Ресен и Крива Паланка околу 32 степени.

Портокаловото предупредување за екстремно високи температури ќе остане активно во сите региони до утре во 18 часот. Во најтоплиот период од денот се препорачува избегнување директно изложување на сонце, намалување на физичката активност и редовно внесување течности.

Податоците по градови покажуваат дека најжешко ќе биде во Повардарието и југоисточниот дел, додека посвежо ќе биде во југозападните и планинските подрачја.