Пожарникари со скала стигнале до девојче на четврти кат во Струмица

Необична интервенција на струмичките пожарникари вечерва завршила без последици, откако загрижени родители побарале помош бидејќи нивната малолетна ќерка со часови не одговарала на телефон и не ја отворала вратата од станот.

Според информациите што ги објави News24, интервенцијата се случила на улицата „4 Јули“ во Струмица, а станот се наоѓал на четвртиот кат.

Пожарникарите употребиле авто-скала со која стигнале до терасата, а оттаму успеале да влезат во станот.

По влегувањето било утврдено дека девојчето е безбедно и спие. Таа, според објавените информации, не ги слушнала телефонските повици и ѕвонењето на вратата.

Интервенцијата завршила без потреба од дополнителна помош, а родителите добиле потврда дека нивната ќерка е во добра состојба.