Skip to content
Едно лице е приведено поради сомнеж за поврзаност со двата смртни случаи во Ѓорче Петров и се наоѓа во Полициската станица Карпош, објави 4NEWS, повикувајќи се на неофицијални информации.
Приведувањето засега нема официјална потврда од Министерството за внатрешни работи. Не се објавени ниту околностите на приведувањето, доказите врз кои се темели сомнежот или потврда дека истрагата ги поврзала двата случаи.
Утрово, 76-годишната О.А. била пронајдена без знаци на живот во куќа на улицата „Ѓурчин Кокале“. Нејзината ќерка го пријавила случајот во 9:18 часот. Итната медицинска помош констатирала смрт со видливи траги од насилство, а по насоки на јавен обвинител телото е предадено на обдукција.
На 22 октомври, во својот дом на подрачјето на Ѓорче Петров бил пронајден починат и С.Ј. (62). И кај него биле забележани траги од насилство и била наредена обдукција. Неофицијалната информација за приведувањето засега не ги разјаснува причините за смртта и евентуалната поврзаност меѓу случаите.
