Дизелот од полноќ 100 денари, бензините поскапуваат за два денара

Од полноќ поскапуваат бензините и дизелот. Според новата одлука на Регулаторната комисија за енергетика, двата вида бензин ќе чинат по два денара повеќе за литар, а дизелот поскапува за еден денар.

Од утре, 3 ноември, максималната цена на Еуросупер БС-95 ќе изнесува 93 денари за литар, а на Еуросупер БС-98 ќе биде 95 денари. Еуродизелот достигнува 100 денари за литар.

Екстралесното масло за домаќинство ја задржува цената од 110 денари за литар. Мазутот поскапува за 1,30 денари и ќе се продава по највисока цена од 55,573 денари за килограм.

За полнење 50 литри бензин, возачите ќе плаќаат 100 денари повеќе, а за истото количество дизел дополнителни 50 денари.

Одлуката ги утврдува највисоките дозволени малопродажни цени. Бензинските станици можат да продаваат и по пониски износи.