Skip to content
Во Хрватска за догодина се подготвува филм најавен како „пионерски потфат на хрватската независна филмска продукција“ во контекст на светскиот тренд во кинематографијата.
Станува збор за проектот „БЕТА“, кој ќе се снима на почетокот на 2024., а ќе биде прикажан до крајот на таа година. Како што соопштуваат продуцентите, тоа е првиот долгометражен игран филм во историјата на светската кинематографија чие сценарио е авторско и напишано со помош на напредната вештачка интелигенција. А, и една од главните улоги ќе биде отелотворена од спој од неколку ВИ-програми.
Жанровски, филмот е спој од психолошки трилер и научнофантастична драма за животот на ИТ-програмерка и нејзината докторска теза за т.н. суперинтелигенција – напредна ВИ-програма што ја презема контролата врз нејзиниот живот.
Главните улоги во филмот ги толкуваат хрватските глумици Ана Марија Брѓановиќ и Ана Уршула Најев, како и ВИ-програмата „Бета/гив Екс“ (Beta/Give X). Занимливо е тоа што во филмот сите улоги се женски.
Режијата е на Анѓело Јуркас, кој е и автор на сценариото, заено со „Artificial Intelligence Give X“. Продуцент е хрватската независна компанија „ДОП продукција“ со домашни и странски партнери. (МИА)
