Околу 20 припадници на домородното племе Ава, кое живее во доброволна изолација во бразилскиот дел на Амазонија, излегоа од прашумата и стапија во контакт со владин тим и локално население. Средбата се случи во бразилска држава Марањао, каде што племето се соочува со секојдневни упади на нелегални дрвосечачи, ловци и сточари.
Припадниците на народот Ава влегле во село на територијата Арарибоја, која е дом на етничката група Гуажажара, соопшти меѓународната невладина организација Сурвајвал интернешнал (Survival International). Локалните жители им понудиле храна, по што тие побарале сладок компир и се вратиле назад во шумата.
На видеоснимката од средбата, направена од жители на заедницата Гуажажара, се гледа група мажи, жени и деца на работ од шумата со ѓердани на себе, а мажите носат лакови и долги стрели. Организацијата Коапима (Coapima), која ги застапува домородните групи во Марањао, предупреди дека физичката состојба на дел од членовите, особено кај децата и постарите лица, покажува знаци на тешка исцрпеност и неухранетост.
Од Коапима нагласија дека непланираниот контакт носи сериозен здравствен ризик за изолираните заедници бидејќи тие немаат стекнат имунитет кон вообичаените заразни болести. Бразилската државна агенција за домородни прашања Фунаи (Funai) соопшти за агенцијата АФП дека нејзините технички тимови внимателно ја следат состојбата и ги анализираат сите достапни информации за здравјето на групата.
🔍 Quem são? – Um grupo de cerca de 15 indígenas Awá-Guajá, que vivem em isolamento voluntário na Amazônia maranhense, se aproximou de uma comunidade Guajajara na Terra Indígena Araribóia, no oeste do Maranhão, na segunda-feira (16). A aproximação mobiliza equipes da Fundação Nacional dos Povos Indígenas (Funai), que prepara medidas de proteção devido ao risco de transmissão de doenças. ➡️ A principal preocupação é o risco de transmissão de doenças aos indígenas isolados, que são mais vulneráveis a infecções devido ao pouco contato com outras populações. Um vídeo gravado por moradores da Terra Indígena Araribóia mostra os Awá-Guajá parados enquanto uma pessoa da comunidade se aproxima com frutas. Em seguida, alguns integrantes do grupo também se aproximam para pegar os alimentos. ➡️ Os Awá-Guajá são um povo indígena que vive na região amazônica do Maranhão, principalmente em áreas de floresta no oeste do estado. Conhecidos historicamente pela caça e pela coleta de alimentos, eles se dividem entre comunidades que já mantêm contato com outros povos e com a sociedade não indígena e grupos que permanecem em isolamento voluntário. Na Terra Indígena Arariboia, onde ocorreu a aproximação, vivem indígenas Guajajara e Awá-Guajá, incluindo grupos isolados. A presença desses indígenas na região é conhecida há décadas e acompanhada por órgãos de proteção. Segundo a Funai, há indícios de que o grupo esteja mais propenso a interagir com indígenas Guajajara e pessoas não indígenas. O órgão ressalta, porém, que aproximações pontuais não significam necessariamente o fim do isolamento ou o início de um contato permanente. Saiba mais no #g1. #awáguajá #indígenas #guajajara #funai #amazônia #g1maranhão #notícias
— g1 (@g1) November 18, 2026
Директорката на Сурвајвал интернешнал, Керолајн Пирс, оцени дека одлуката на оваа група да излезе од изолација покажува како постојаните упади во шумите ги доведуваат во реална опасност домородните народи кои инаку самите се издржуваат. Таа посочи дека припадниците на племето Ава се потиснати на сè помал остров од амазонската прашума, опкружен со уништување.
На територијата Арарибоја со години дејствуваат и Чуварите на шумата (Forest Guardians), група составена од припадници на народот Гуажажара кои ја бранат земјата од нелегални упади. Тие предупредија дека климатските промени, пожарите, уништувањето на шумите и узурпацијата на земјиштето директно го загрозуваат опстанокот на племето Ава, додавајќи дека многу чувари ги загубиле животите обидувајќи се да ја заштитат заедничката територија.
Според податоците на Сурвајвал интернешнал, во 10 држави во светот се идентификувани околу 196 домородни народи и групи кои избираат да живеат во изолација. Повеќе од 90 проценти од овие заедници живеат во прашумите на Амазонија, првенствено во Бразил, додека останатите се наоѓаат во Индонезија и Индија.

