Skip to content
По силниот земјотрес што ја погоди Турција и Сирија, помош пристигнува од сите страни. Сепак, една фотографија на солидарност привлече најголемо внимание, а тоа е стар автомобил полн со работи кои биле складирани за да им помогнат на настраданите во Турција.
Сервер Беширли го наполнил својот стар автомобил со облека, храна и предмети од неговата трошна куќа во Баку и се упатил кон Турција, заедно со неговиот брат помошник Имамверди Беширли и Аскер Мамедов. Тoj за ТВ Иктимаи изјави:
-И ние ја доживеавме оваа катастрофа. Имаше жени без облека и чевли. И ние го доживеавме тој период, го знаеме тоа чувство. Не помогнавме само ние, туку и другите Азербејџанци, дури и оние кои живеат во други земји. Бев сведок на еден ситуација кога дојде една девојка и го соблече палтото и го даде во хуманитарни цели. Секако дека помошта не е ниту голема ниту мала. Во наредните денови велат дека ќе испратат помош во храна за братската земја, рече тој.
Турција ја потресоа земјотреси со епицентар во Кахраманмараш, илјадници луѓе ги загубија животите, а десетици илјади беа повредени. Фотографијата која го собори рекордот на споделување на социјалните мрежи привлече особено внимание и стана симбол на заедништво и солидарност.
— Bülent Arslan (@dalamper79) February 9, 2023
Фотографијата и видеото ги трогна многумина, особено откако дознаа за условите во кои живее самиот Сервер. Многумина коментираат дека оние кои имаат најмалку секогаш даваат најголема поддршка. (ЦивилМедиа)
