Чешкиот премиер се заложи за брза евроинтеграција на земјите од Западен Балкан

– Чешкиот премиер Петр Фијала денеска изјави дека се согласува со австриските власти дека Европската Унија треба да се прошири и да ги вклучи земјите од Западен Балкан.

Тој истакна дека земјите од Западен Балкан долго чекаат на интеграција во ЕУ, пренесува весникот „Чешке новине“.

– Во интерес на Европа, но и во наш интерес е да продолжиме со ова прашање, рече Фијала за време на посетата на Виена, по разговорот со австрискиот канцелар Карл Нехамер.