Skip to content
Кипарската полиција спаси 60 сириски мигранти пронајдени на дрвен брод на околу 55 километри од јужниот дел на островот, а најмалку четири лица се пренесени во болница, соопштија денеска локалните власти.
Спасените луѓе поминале шест дена на море.
Полициски и воени хеликоптери префрлиле три деца и еден возрасен во болница по пријавата за бродот што рано утринава трговски брод ја упатил до кипарските власти.
Уште три возрасни лица, кои се здобиле со скршеници, биле згрижени од полициски службеници во патролниот чамец кој го пресретнал бродот со мигранти, соопшти полицијата.
Бродот бил одвлечен до пристаништето каде на останатите мигранти им била укажана лекарска помош.
Властите соопштија дека бродот го напуштил Либан на 18 јануари и дека мигрантите најверојатно останале без вода и храна.
Либански адвокат кој ги следи прашањата за мигрантите во неговата земја рече дека бродот бил пријавен за исчезнат од моментот кога испловил до пристигнувањето на Кипар. Тој рече дека мигрантите се во лоша состојба бидејќи со денови не јаделе.
Либанскиот брег е на околу 168 километри од Кипар.
