Земјотрес со интензитет од 5,2 степени го погоди југоисточниот турски округ Малатија

Земјотрес со интензитет од 5,2 степени го погоди денеска југоисточниот турски округ Малатија, соопшти владината Дирекција за управување со катастрофи и вонредни состојби (АФАД).

Земјотресот е регистриран во 16:04 часот по локално време, епицентарот бил во градот Баталгази, а неговата длабочина била 13,9 километри. Земјотресот предизвика голема паника кај населението.

Потресот се почувствувал во областите Аџаман, Кахраманмараш, Газиантеп, Шанлиурфа, Мардин, информираа телевизиите Си-Ен-Ен Турк и НТВ. Според очевидци цитирани од телевизиите, потресот траел околу 30 секунди.

Според Европско-медитеранскиот сеизмолошки центар, земјотресот бил со интензитет од 5,5 степени.

Малатија е меѓу областите кои беа силно погодени од разорните земјотреси во февруари минатата година со интензитет од 7,7 степени и 7,8 степени при што загинаа повеќе од 50 илјади души.