Слактар со концерт во Скопје на 16 март

Кога ќе чуете Слаткар и концерт, веднаш ви текнува на “Слаткаристика будало” и преполна Метрополис арена! Тоа е така затоа што во 2009-та година сите го запознавме Раперот кој беше поинаков од сè што сме виделе дотогаш.

Слаткар го издаде легендарниот албум “Слаткаристика будало” кој се продаде во рекордни 48 часа, а исто така за миг распродадената концертна сала станува реалност и за еден македонски артист.

Слаткар на 23-годишна возраст постави стандарди на перформанс во живо, одржување концерти на светско ниво, распродавање албуми и арени, а песните од тоа време и ден денес ги пеат сите генерации.

Денес, после 15 години Слаткар најавува ретроспектива на сите хитови, од сите периоди од неговото творештво. Публиката по деценија и пол од излегувањето на албумот “Слаткаристика будало” ќе има можност да присуствува на одличен настап во живо на Слаткар со неговиот бенд, за уште еден концерт за паметење!

Специјални гости: Тони Зен и 2Бона

Концертот ќе биде одржан во Скопје Евент Центар, со почеток од 21 часот.