Skip to content
Претставници на Сојузот на албански земјоделци денеска пред Министерството за земјоделство предупредија дека ќе почнат со протести и блокирање на патишта, доколку не се исполнат барањата.
Тие држеа голем транспарент на кој беа напишани нивните пет барања.
Изедначување на ДДВ-то за земјоделските производи, надомест за секој литар млеко, укинување на данокот за нафтата за земјоделски возила, ДДВ-фактура со реална цена од местото на наплата на денот на испораката на производот, субвенција за семиња, садници и за органски производи, пишува на транспарентот.
Земјоделците најавија дека ќе протестираат во текот на цел февруари, почнувајќи од Корча, а „протестот ќе кулминира во Тирана во првите денови од идниот месец“.
