Skip to content
Три дена пред вториот круг од парламентарните избори во Франција, веќе одбележани со невиден подем на екстремната десница, владее неизвесност околу идното лице на една од земјите основачи на Европа, бидејќи и се заканува слабеење, па дури и неможност на владеењето, оценија денеска француски медиуми.
Моментумот во корист на крајнодесничарската партија Национален собир на младиот Жордан Бардела, кој очекува да ја формира првата крајнодесничарска влада во Франција по Втората светска војна, може да се забави со повлекување на стотици кандидати на десниот центар и левицата да го избегнат изборот на пратеници и да го спречат трошењето на гласовите.
Се намалува можноста Националниот собир да освои апсолутно мнозинство од 289 пратеници, а последните анкети покажуваат дека партијата би можела да освои меѓу 190 и 220 пратенички места. Францускиот парламент има 577 пратеници.
Сепак, Бардела (28) синоќа изјави дека неговата партија ќе освои апсолутно мнозинство.
-Ќе имаме апсолутно мнозинство. Постои можност за промени. Мојата влада е подготвена, рече Бардела на француската онлајн телевизиска програма BFMTV.
Во истата емисија гости беа премиерот Габриел Атал како претставник на центристичката коалиција на францускиот претседател Емануел Макрон и претставничката на еколозите, членка на левичарскиот сојуз Марин Тоделие.
-Екстремно десничарската влада „би била страшна за земјата, рече Атал, осудувајќи ги групите како „подгреани од омраза“ и одбивајќи да дадат инструкции за гласање. Атал рече дека секој француски граѓанин ќе гласа „со душа и совест“.
Од своја страна, Марин Тонделие го осуди расистичкиот говор и насилството што веќе е на дело, обвинувајќи ги „пријателите на Жордан Бардела“ дека учествуваат во „малтретирањето“ на изолираните странски малолетници и дека мигрантите се нивна мета.
Француската политичка сцена со распишувањето на вонредни парламентарни избори по подемот на екстремната десница на изборите за Европскиот парламент одржани на 9 јуни доживеа имплозија, јавија француските медиуми. Според нив, ризикот од неможност за управување со земјата се зголемува, при што парламентот е поделен на три блока (екстремно десничарски, макронисти и леви) без апсолутно мнозинство.
Некои лидери на десниот и левиот центар размислуваат за широка коалиција за да избегнат парализа, но нејзините контури остануваат нејасни.
-Неопходен е облик на нов договор и секој ќе мора повторно да го измисли својот начин на работа, рече премиерот, дури и ако неговиот табор отфрли какво било зближување со радикалната левичарска партија „Непокорна Франција“. Таа партија, членка на левичарската алијанса Нов народен фронт, беше обвинета дека флертува со антисемитизмот, а нејзиниот лидер Жан-Лук Меланшон се појавува како страшило за центристичките, дури и социјалдемократските гласачи.
Марин Тонделие рече дека сега е „вонредна ситуација во која секој ќе може да покаже одговорност во Новиот народен фронт за изнаоѓање решение“.
Во секој случај, на изборите се гледа со голема загриженост, меѓу кои е и вториот европски столб – Германија.
-Франција гласа в недела, а исходот може да ме загрижи. Ајде да направиме се за да ја заштитиме нашата голема и убава Европа заедно и да не дозволиме екстремно десничарските популисти да доминираат во неа, рече германскиот канцелар Олаф Шолц.
