Skip to content
Дизелот од ноќеска на полноќ поевтинува за 6,5 денари по литар, додека бензините поскапуваат за половина денар, согласно најновата одлука на Регулаторната комисија за енергетика. Новите највисоки малопродажни цени ќе важат од 2 јуни 2026 година.
Според одлуката, Еуродизел БС ќе се продава за 71,5 денари за литар. Еуросупер БС-95 ќе чини 78 денари за литар, а Еуросупер БС-98 ќе се продава за 80 денари за литар. Екстра лесното масло за домаќинство поевтинува за 6 денари и ќе чини 71 денар за литар, додека мазутот поевтинува за 6,4 денари и ќе се продава за 37,4 денари за килограм.
Во пресметката, како што наведува РКЕ, е земен предвид намалениот износ на акцизите за 2 денари по литар кај горивата. Владата претходно ја продолжи мерката за намалување на акцизите на нафтените деривати до 15 јуни, а најави и дополнителен попуст од 2 денари по литар преку договор со ОКТА.
