Ова се цените на горивата во регионот, проверете пред да тргнете на пат

Додека кризата на Блискиот Исток го држи глобалниот пазар на енергија во неизвесност, цените на горивата во соседството достигнуваат нови рекорди. Од владини интервенции во Хрватска до драстични најскапо во Црна Гора, проверивме колку ќе ве чини полн резервоар денес во земјите од регионот.

Црна Гора

Моментално, Црногорците плаќаат најскапо за гориво на Балканот. Eurosuper 98 и 95 чинат 1,65 евра и 1,61 евро за литар. Eurodiesel чини 1,71 евро за литар, додека маслото за греење чини 1,81 евро. Овие цени ќе важат до 26 мај 2026 година.

Хрватска

За да се намали финансискиот притисок врз граѓаните, Владата на Хрватска усвои нова двонеделна регулатива за цените на нафтените деривати. Државата се откажа од дел од маржата на бензинот, што следеше по претходното намалување на маржата на дизелот.

Според новите малопродажни цени, кои се базираат на двонеделен просек, литар бензин во Хрватска ќе чини 1,64 евра во следните 14 дена. Возачите ќе плаќаат 1,72 евра за дизел, додека цената на синиот дизел е 1,22 евра за литар. Кога станува збор за течен нафтен гас (LPG), цената е 1,58 евра за килограм за резервоари, односно 2,16 евра за боци.

Босна и Херцеговина

На почетокот на мај 2026 година, цените на горивата во Босна и Херцеговина варираат од пумпа до пумпа. За литар евродизел и бензин BMB 95, потребно е да се издвојат помеѓу 2,85 и 2,95 конвертибилни марки, што изнесува од 1,46 до 1,51 евра. Забележливо е дека цените во Република Српска често се пониски отколку во Федерацијата Босна и Херцеговина, додека просечната цена на дизелот на ниво на целата земја е околу 1,68 евра за литар.

Србија

Во Србија нема да има промени во ценовникот на нафтените деривати во наредните денови. Максималната цена на Еуродизелот останува 221 динар, додека литар бензин се продава за 191 динар. Овој ценовник останува на сила до 8 мај 2026 година.

Албанија

Според АМСМ, во Албанија цената за 95-ката е185.37 ALL, односно 1.81 евра, а дизелот се продава за      192.10 ALL или 1.87 евра

Грција

Кај нашиот јужен сосед цената на бензинот 95 е 2.01 евра, 98-ката, 2.18 евра и дизелот 2.02 евра

Бугарија

Во Бугарија еден литар 95 чини 1.47 евра, литар 98, 1.68 евра и за дизел ви требаат 1.65 евра за литар.