Сака ја доби наградата за хуманост на „Златната топка“

Фудбалерот на Арсенал и англиската репрезентација, Букајо Сака, ја освои наградата „Сократ“ на церемонијата за доделување на „Златната топка“ во Лондон, како признание за неговата хуманитарна работа и помошта за деца во тешка здравствена состојба.

Наградата „Сократ“, која се доделува од 2022 година, ги препознава фудбалерите кои придонесуваат за општеството преку хуманитарни активности и социјални иницијативи. Таа го носи името на легендарниот бразилски фудбалер Сократ, познат и по својот општествен ангажман.

Сака ја доби наградата за соработката со хуманитарната организација BigShoe, преку која финансирал 120 операции за деца во Африка, меѓу кои и во Нигерија, земјата од која потекнува неговото семејство. Неговата помош вклучува и поддршка за семејства погодени од природни катастрофи.

На церемонијата, Сака ја посвети наградата на децата чии животи се подобрени благодарение на хуманитарните активности.