Skip to content
Центар за гонење на злосторствата извршени за време на руската агресија во Украина треба да се отвори денеска во рамките на Агенцијата за кривично-правна соработка на Европската унија (Евроџаст).
Агенцијата со седиште во Хаг се очекува да собере докази и да подготви насочени обвиненија против наводните сторители.
Инволвираните правосудни органи не ја исклучуваат можноста за кривично гонење на руското раководство.
Во работата на центарот се вклучени Украина, неколку земји од ЕУ, но и Меѓународниот кривичен суд.
На отворањето се очекува да присуствува и висок претставник на американското правосудство.
Во рамките на Агенцијата за кривично-правна соработка на ЕУ веќе е формирана централна база на податоци за докази за воени злосторства, злосторства против човештвото и геноцид.
Западните земји долго време бараат начини да ја гонат Русија, по можност во специјален суд.
Меѓународниот кривичен суд, исто така со седиште во Хаг, веќе издаде меѓународни налози за апсење на претседателот Владимир Путин поради сомневање за воени злосторства, како што е депортацијата на малолетници од Украина во Русија.
Меѓутоа, судот не смее да поведе постапка за самата агресија.
