Skip to content
Позлатена скулптура на голиот американски претседател Доналд Трамп, поставена во Европскиот парламент во Стразбур, предизвика политички реакции. Словачкиот премиер Роберт Фицо побара нејзино итно отстранување, оценувајќи дека исмевањето на американскиот претседател во европска институција претставува знак на пропаѓање на Европската Унија.
Уметничка провокација или дипломатска навреда? Скулптурата на американскиот претседател Доналд Трамп, прикажан гол, позлатен и со палка за голф во раката, стана повод за нов политички спор во Европа.
Делото со наслов „Портокалова чума“, на данскиот уметник Јенс Галшиот, беше претставено во вторникот во просториите на Европскиот парламент во Стразбур. Скулптурата го прикажува Трамп како седи на рамениците на многу помал човек, кој се наведнува под неговата тежина. Во рацете држи палка за голф и вага на правдата.
A STATUE OF DONALD TRUMP IN THE EUROPEAN PARLIAMENT IS A SIGN OF THE DECLINE OF THE ENTIRE EUROPEAN UNION The mocking statue of US President Donald Trump displayed on the premises of the European Parliament is a sign of the decline of the entire EU. I do not agree with all of the American president’s policies, not by a long shot. But at a time that calls for dialogue and mutual respect, insulting our partners on official premises demonstrates a profound failure to understand the times we live in. It is sad that the leadership of the European Parliament, in its blindness, can no longer distinguish between the legitimate right to hold a different opinion and the actions of spiritually bankrupt individuals, adventurers and lunatics. Would the leadership of the European Parliament agree to the display of mocking depictions of the French president or the German federal chancellor? Since the answer to this question is perfectly obvious, I expect the President of the European Parliament to immediately remove the offensive depiction of the American president from the premises of the European Parliament.
— Robert Fico 🇸🇰 (@RobertFicoSVK) October 8, 2026
До инсталацијата се поставени и сатирични пораки, меѓу кои и описот дека „кралот на неправдата“ седи врз човек кој тоне под товарот.
Но она што авторот го замислил како политичка сатира, словачкиот премиер Роберт Фицо го оцени како навреда за американскиот претседател и за односите меѓу Европа и САД.
Фицо: Ова е знак на пропаѓање на Европската Унија
Во објава на социјалната мрежа Икс, Фицо остро го критикуваше поставувањето на скулптурата во институцијата.
Тој порача дека не се согласува со сите политики на Доналд Трамп, но смета дека во време кога се потребни дијалог и меѓусебно почитување, ваквото исмевање на меѓународен партнер е неприфатливо.
Според словачкиот премиер, раководството на Европскиот парламент не прави разлика меѓу легитимното право на критика и постапките што тој ги смета за навредливи.
Фицо го постави и прашањето дали Европскиот парламент би дозволил слична скулптура со која би бил исмеан францускиот претседател или германскиот канцелар.
Тој побара од претседателката на Европскиот парламент веднаш да ја отстрани инсталацијата.
Уметноста повторно ја отвори границата меѓу сатирата и политиката
Авторот на делото, Јенс Галшиот, е познат по своите провокативни скулптури преку кои критикува политички лидери, авторитаризам и општествени неправди.
Неговата најнова инсталација го користи ликот на Трамп како симбол на политичката моќ и односот кон оние што ги носат последиците од нејзиното практикување.
Во една од пораките покрај скулптурата се наведува дека ликот би направил сè за да му помогне на човекот што го носи, освен да се симне од неговиот грб.
Политичката реакција на Фицо отвора и поширока дилема: дали институциите треба да бидат простор за остра уметничка критика на светските лидери или ваквите дела можат да создадат непотребни дипломатски тензии?
Засега не е познато дали раководството на Европскиот парламент ќе постапи по барањето на словачкиот премиер.
