Skip to content
Алжирското Министерство за надворешни работи го повика на разговор францускиот вршител на должноста амбасадор во Алжир и нареди итно протерување 15 вработени во француската амбасада поради „сериозни прекршувања“ на дипломатскиот протокол.
„Министерството бара итно протерување на сите француски вработени кои биле ангажирани под услови што ги кршат утврдените процедури. Овој потег доаѓа по сериозни и повторени прекршувања на законот од страна на француската страна“, се вели во соопштението.
Во соопштението се додава дека на тие агенти, кои претходно имале службени пасоши, им биле доделени дипломатски пасоши за дополнително олеснување на нивниот влез во Алжир.
