Skip to content
Вицепремиерот за економски прашање и член на СДСМ, Фатмир Битиќи ги демантира пишувањата на одредени медиуми дека ќе се приклучи кон коалицијата ВЛЕН и дека ќе делува како независен пратеник.
Тој ги повика медиумите и партиите да не шпекулираат и да не објавуваат вести од типот на „неофицијално дознава…“.
„Ги повикувам медиумите како и политичките субјекти да не шпекулираат и да не објавуваат вести од типот на “неофицијално дознава…”, напиша во демантот на социјалните мрежи Битиќи.
Тој уште нагласува дека неговото членство во СДСМ и улогата на потпретседател „се вкоренети во вредностите кои ги споделувам со огромен дел од моите сопартијци“.
„Како пратеник достојно ќе ги претставувам сите кои гласаа за нашата коалиција, а останувам и сојузник на сите кои се за искрени внатре-партиски реформи. Заедно со моите сопартијци ќе ги донесеме тие промени. Тука сум, не одам никаде, цврсто стојам на патот на социјалдемократијата“, порачува на социјалните мрежи Фатмир Битиќи.
