Делови од Скопје денеска без струја, прекините ќе траат до попладне

Делови од Скопје денеска, 17 април, ќе останат без електрична енергија поради планирани технички зафати на дистрибутивната мрежа. Според објавените информации, прекините се најавени во општините Карпош, Сарај и Центар, а на одделни локации ќе траат до 14 часот, додека на други и подолго.

Во Карпош, без струја од 08:30 до 15:00 часот ќе бидат корисниците од улиците 1506 и 1550 во населбата Момин Поток, како и деловните објекти на „Електроводомонт“ и „Европа 92“. Во Сарај, прекин од 09:30 до 14:00 часот е најавен за селата Рашче, Копаница и Бојане, за каптажата Рашче, како и за дел од домаќинствата во Кондово.

Во општина Центар, пак, без електрична енергија од 11:00 до 13:00 часот ќе останат делови од улицата „Рилски Конгрес“, од број 2 до 8, како и дел од улицата „Ѓорѓи Скрижевски“, на потегот од крстосницата со „Христо Чернопеев“ до „Рилски Конгрес“.

Планираните исклучувања, според најавите, се дел од реконструкција и модернизација на електродистрибутивната мрежа. Од Електродистрибуција посочуваат дека тековните и идните прекини можат да се следат и преку нивната мапа за исклучувања.