Српскиот министер за градежништво, транспорт и инфраструктура Горан Весиќ призна дека владата на претседателот Александар Вучиќ била вклучена во стопирањето на изградбата на Коридорот 8, кој требаше да го поврзе Црното Море со Јадранското Море, објави БГНЕС.
„Во Европската Унија се залагаа за изградба на коридорот од Бугарија до Албанија, како и оној од Романија до Грција. Ова мрачно сценарио за Србија го спречивме со одлуката на Александар Вучиќ Белград да инвестира во железничката пруга од Коридор 10“, рече Весиќ.
Според министерот, Србија треба да се етаблира како централна земја низ која минуваат сите важни железнички линии, наместо да биде опкружена со инфраструктурни проекти како што е Коридорот 8.
-Првата акција на владата на Христијан Мицкоски во Македонија беше и да се запре изградбата на Коридорот 8“, јавува дописникот на БГНЕС од Скопје.
