Пендаровски е идниот претседател на државата, смета Јован Митрески

„Стево Пендаровски е чесен, модерен политичар, одговорен политичар кој го прави она што го кажува буквално покажувајќи дека кај него во овие пет години вратат беше отворена за секого, без разлика дали тој некој има некоја полиитчка припадност и тоа што пред изборите го зборел, потоа го правел како претседател и убеден сум дека ќе продолжи да го прави и во следниот мандат“, истакна во интервју за Директно на Тера телевизија, спикерот на Собранието и носител на листата на СДСМ во ИЕ5 Јован Митрески.

Тој ги коментираше и изјавите на Мицкоски дека е можен бојкот на вториот круг на изборите од страна на Пендаровски.

„Во однос на изјавите на Мицкоски, тоа е нешто слично како оние изјави за анкетите претходно а тоа е се со цел да се создаде некоја атмосфера дека тие наводно имаат сигурна победа, па сега дали Пендаровски би го бојкотирал вториот круг. Пендаровски ќе биде идниот претседател на оваа држава, јас сум убеден во тоа“, порача Митрески.