СДСМ: Мицкоски срамно ги брани виновниците за националното понижување во Бугарија

„Христијан Мицкоски наместо да го осуди понижувањето на македонската државата среде Бугарија и да побара одговорност за тоа што се дозволи национален срам без македонско знаме, се обиде да ги оправда виновниците, Силјановска и министрите во неговата Влада“, истакнуваат од СДСМ, откако премиерот рече дека „ниту министрите, ниту Силјановска не реагирале за националното понижување во Бугарија заради жал за загинати пилоти зашто ‘не сакале да создаваат тензија’“.

Од СДСМ прашуваат „Демек знаеле дека е понижување и бришење под со Македонија ама не сакале да создаваат тензија? Фотографиите само со бугарски знамиња самите си ги објавија. Зошто?“

„Срамно е ова однесување на Мицкоски, го правда скандалот во Бугарија со смешни изјави потценувајќи ја интелигенцијата на граѓаните. Па уште и ги навредува граѓаните. Мицкоски нема образ, па тој ли ќе зборува за свиткана кичма, дозволи Бугарија под да избирше со Македонија и да ни приреди национален срам среде Софија. Дилетантизам и неспособност ете тоа го покажуваат Мицоски и ВМРО-ДПМНЕ“, нагласуваат од опозициската партија.

За СДСМ „овој скандал потврдува дека Владата и институците предводени од Мицкоски и Силјановска, немаат никаков капацитет за меѓународна политика уште помалку да обебзедат подобри услови на земјата во меѓународни рамки“.

„ВМРО-ДПМНЕ нема знаење, нема капацитет и нема одговорност да ја води државата на меѓународно ниво и со нив напредок ќе нема на ниту едно поле“, порачаа од СДСМ на денешната прес конференција на портпаролката Богданка Кузеска.