Сончев викенд, во недела нагло затоплување, прогноза по градови

По свежото и нестабилно време, за време на викендот во Македонија следува стабилизација. Сабота, 25 јули, ќе биде претежно сончева и пријатна, додека во недела, 26 јули, температурите значително ќе пораснат.

Во сабота утринските температури во повеќе градови ќе се спуштат под 10 степени, а дневните главно ќе се движат од 20 до 30 степени. Во недела ќе биде сончево и многу потопло, со температури над 30 степени во најголем дел од земјата.

УХМР за недела прогнозира минимални температури од 6 до 18 степени и максимални од 27 до 35 степени. Локалните градски модели покажуваат можност температурата во Кавадарци да достигне околу 37 степени.

Стабилното време нема да трае долго. Во понеделник повторно се очекуваат дожд, грмежи и локална нестабилност, а од вторник следува ново стабилизирање и пораст на температурите.