Вевчанскиот карневал ќе се одржи од 12 до 14 јануари

Традиционалниот Вевчански карневал, кој е еден од најпознатите македонски настани за празникот Св. Василиј (Василица), ќе се одржи од 12 до 14 јануари.

Карневалот ќе започне на 12 јануари со музичка програма која ќе се одвива попладне. Настапи се најавени од бендовите Пајак, Ареа и „Забрањено пушење“. Парадата на маските ќе се одржи на 13 јануари во текот на денот, а вечерта на сцената ќе се појават Љубојна, Наум Петрески, Оркестарот со зурли и тапани од Вевчани и Перо Бели и Коки.

Карневалот ќе заврши на 14 јануари со традиционалното василичарско оро и палење на маските, кои се симболично ставаат крај на оваа прослава.