Претрес во Скопје, пронајдена дрога и пиштол

Полициски службеници од Единицата за недозволена трговија при СВР Скопје, на 14.01.2025 во 19.30 часот во Скопје, на подрачјето на Центар, го лишиле од слобода А.Т. (30) од Скопје затоа што кај него била пронајдена и одземена марихуана.

Подоцна, по дополнително преземени мерки, полициските службеници од Единицата за недозволена трговија при СВР Скопје со судска наредба извршиле претрес во домот на пријавениот на подрачјето на општина Аеродром, при што биле пронајдени и одземени марихуана, семки од канабис, дигитална вага, бела грутчеста материја, таблети, пиштол  „Зораки М 906“ со рамка, пари и други предмети. 

Лицето било задржано во полициска станица и по целосно документирање на случајот против него ќе биде поднесена соодветна пријава по член 215 и член 396 од Кривичниот законик.