Skip to content
Од мај оваа година, земјите од Шенген зоната ќе воведат нови правила за влез, кои вклучуваат задолжителна електронска регистрација на патниците преку системот ЕТИАС која не е виза, туку дозвола за престој во ЕУ, која ќе важи три години од моментот на регистрација.
Аплицирањето се врши онлајн, најдоцна 96 часа пред патувањето. Таксата изнесува 7 евра, а за лицата под 18 и над 70 години регистрацијата е бесплатна.
Холандија и Луксембург ќе бидат првите земји кои ќе го воведат системот, додека останатите 25 членки на ЕУ ќе го имплементираат ЕТИАС до март оваа година.
Сепак, Романија и Бугарија за сега не планираат да го применуваат.
Пријавувањето ќе се врши исклучиво онлајн, што може да претставува потешкотија за оние кои не се запознаени со технологијата или немаат електронска картичка.
„Лицата кои не можат сами да се регистрираат ќе можат да побараат помош од членови на семејството, туристички агенции или осигурителни компании,“ објави Б-92
Иако се очекуваат метежи на границите во почетокот, долгорочната цел на ЕТИАС е да ги забрза граничните премини.
Националните туристички асоцијации, како што е онаа во Србија, ќе понудат помош преку телефон за да го олеснат процесот на пријавување.
