Битолчанец заврши со тешки повреди откако возач со „поло“ удри во него

Осумдесет и девет годишниот А.Б. од Битола, завршил во Клиничката болница со тешки телесни повреди откако во него удрило возило марка „фолксваген поло“, информира Министерството за внатрешни работи (МВР).

Како што е наведено во билтенот, несреќата се случила вчераутро.

„Во СВР Битола е пријавено дека на ул. „Генерал Васко Карангелевски“ во Битола, патничко возило „фолксваген поло“ со битолски регистарски ознаки, управувано од Н.А. (64), удрило во пешакот А.Б.(89), двајцата од Битола. Во несреќата со тешки телесни повреди се здобил пешакот, констатирани во Клиничката болница Битола. Извршен бил увид од увидна екипа од СВР“, информира МВР.