Ќе се повлече ли САД од Косово?

Односите меѓу САД и Косово се затегнуваат, и тоа најмногу по изборот на Доналд Трамп за претседател. Според воениот аналитичар Александар Радиќ, САД веќе долго време ја разгледуваат можноста за повлекување на своите сили од Косово. Иако американската воена присутност во регионот започна со НАТО мисијата КФОР, која беше формирана по конфликтот во Косово, САД во последниве години имаат прагматичен пристап. Американците, според Радиќ, ја користат само Националната гарда за да ја покажат својата моќ, но не се ангажирани на првата линија.

Трамп, кој има прагматичен став, не би се двоумел да ја разгледа опцијата за повлекување на американските сили, тврди Радиќ. Ставот на Трамп во однос на Балканот веројатно ќе биде: “Зошто да останеме во Бондстил? Ако Европа се плаши од проблемите во регионот, нека се справат тие.”

На другата страна, Турција ги зацврстува своите позиции на Балканот, и вклучувањето на Турција во Косово се толкува како стратегија за проектирање на турската моќ во регионот. Воениот аналитичар напоменува дека Турција, покрај политичкиот, има и воен интерес во Косово и соработува со Косовските безбедносни сили, обезбедувајќи им оружје што други НАТО членки го ограничуваат.

Американскиот експерт Џорџо Кафиеро нагласува дека повлекувањето на САД од Косово не би го нарушило текот на КФОР, бидејќи Косово веќе ги зајакнува врските со Турција, што би овозможило стабилност во регионот и по потенцијалното повлекување на американските сили.

Турција, со својата стратегија за воено присуство и вооружување, игра важна улога во Косово. Додека Американците остануваат со ограничена присутност, Турција продолжува да ја засилува својата воена и политичка активност во регионот.

Промените во односите помеѓу САД и Косово покажуваат дека интересите на САД во регионот сè повеќе се намалуваат, додека Турција продолжува да ги зајакнува своите позици на Балканот, што има далекусежни последици за безбедноста на Косово и за целиот регион.