Skip to content
Откако во јавноста беше објавено дека Судскиот совет ќе формира комисија која треба да изврши увид во претходниот предмет на Јованов, кој ја прегази Фросина Кулакова на пешачки премин на Партизанска, се огласи професорот Гордан Калајџиев, кој истакна дека тоа не смее да се случи.
„Судски совет не смее да постапува пред Апелација да донесе одлука! Тоа е повреда на Уставот и законот а бога ми и основ за одговорност!!“, напиша тој на социјалните мрежи.
Инаку, Комисија составена од судиите Данка Ристова, Антоанета Димовска и Татјана Чачарова Илиевска е формирана од Судскиот совет со цел да утврди дали имало пропусти во пресудата на судијката Даниела Алексовска-Стојановска од Основниот кривичен суд Скопје. Таа донесе одлука за воспитно-поправна мерка – упатување во малолетнички поправен дом за Васил Јованов, обвинет за поседување и продажба на наркотични средства.
