Познато е кога пензионерите ќе добијат зголемување од 2.500 денари

Пензионерите наскоро ќе добијат второ зголемување на пензиите за 2.500 денари, како дел од законските измени предложени во Собранието. Според предложените измени, пензиите ќе се зголемат во фиксен износ од 1 март 2025 година, исто како и на 1 септември 2024 година.

Законот за пензиско и инвалидско осигурување ја предвидува оваа мерка како временска корекција на методологијата за усогласување на пензиите. Во документот доставен до Собранието се наведува дека овој раст е вонреден и нема да влијае на редовната формула за усогласување на пензиите, која останува според принципот 50/50 – односно според движењето на трошоците за живот и порастот на просечната плата.

Дополнително, со законските измени се уредуваат и условите за именување на директорот и заменик-директорот на Фондот за здравствено и пензиско осигурување. Новите критериуми вклучуваат високо образование, минимум пет години работно искуство во релевантна област и поседување сертификат за познавање на еден од трите најчесто користени јазици на Европската Унија.

Зголемувањето на пензиите ќе се однесува само на пензионери кои живеат во Македонија, согласно предлог-законот, кој е во собраниска процедура.