„Дури и во конкуренција на идиоти ќе го заземат второто место“: Путин пристигна на граница и жестоко ги повика Украинците

Рускиот претседател Владимир Путин денеска ја посети областа Курск, каде се сретна со волонтери кои дојдоа да им помогнат на жителите на регионот.

Претставници на Народниот фронт, волонтери од Курската област, Серускиот студентски спасувачки корпус и други организации се сретнаа со Путин, пренесува РИА Новости.

За време на посетата Путин изјави дека вооружените сили на Украина директно уништуваат споменици од Втората светска војна, што, како што рече, ги дава сите причини да се каже дека имаат работа со луѓе со неонацистичка идеологија.

Путин нагласи дека припадниците на Вооружените сили на Украина кои гранатираат споменици од Втората светска војна во пограничната област ќе го заземат второто место дури и во конкуренција на идиоти – затоа што тие се идиоти.

„Дури и во конкуренција на идиоти би го зазеле второто место. Зошто? Затоа што се идиоти. Со тоа што го прават покажуваат кои се“, нагласи претседателот. Путин рече и дека украинските војници се уште се обидуваат да се движат кон руската граница.