Јапонија: Три дрона навлегле во нуклеарниот комплекс Генкаи

Компанијата „Кјушу Електрик Пауер“, која управува со електраната, пријавила дека дроновите биле забележани во текот на ноќта, по што е извршена итна проверка. Според агенцијата, не се регистрирани никакви абнормалности во работењето на електраната, која има четири реактори, и нема ризик за населението.

Надлежните потврдија дека летовите со дронови во и околу нуклеарни објекти се забранети, а инцидентот го опишаа како „исклучително невообичаен“.

Локалните власти известија дека нема промени во радијациските нивоа и дека не е потребна евакуација на населението.