Вардар против Пелистер и Шкендија против Шкупи ја отвораат новата сезона

Новата сезона во Првата македонска фудбалска лига ќе стартува в петок 8. август со два натпревара. Двата го имаат епитетот дерби. Во Тетово првакот Шкендија го пречекува Шкупи, додека во вечерниот термин од 20 часот на Националната Арена „Тодор Проески“ е дуелот на „лутите ривали“ ќе играат Вардар и Пелистер.

Два натпревара се на програмата в сабота (9. август). Во Куманово Башкими го пречекува Арсими, додека Струга Трим Лум е домаќин на Македонија Ѓорче Петров. 

За недела се закажани двата дуела во Кратово (Силекс – АП Брера Струмица) и во Кавадарци (Тиквеш – Работнички). 

Почетокот на натпреварите в сабота и недела е во 17:30 часот.