Skip to content
Сообраќајот на државните патишта се одвива непречено по суви коловози, но со зголемен интензитет надвор од градските средини поради летните одмори. На граничниот премин Табановце времето на чекање за влез и излез е околу 10–15 минути, додека на останатите премини од македонска страна нема подолги задржувања.
Поради пожар во Националниот парк „Јасен“, регионалниот пат Р1106 Македонски Брод – Скопје е затворен за сообраќај. Возачите да користат алтернативни правци и внимателно да ја следат поставената сигнализација.
АМСМ апелира за прилагодена брзина и зголемено внимание, особено по делниците низ котлини, речни долини и клисури, каде е можно појава на одрони. Ова се однесува и за критичните делници:
Катланово – Велес, Маврово – Дебар – Струга, Виница – Берово и Кочани – Делчево.
Летен режим за тешки товарни возила (1 јули – 31 август)
Забрана за движење на возила над 15 тони за време на викенд и при екстремно високи температури:
- Петок: 17:00 – 22:00
- Сабота: 09:00 – 18:00
- Недела: 09:00 – 22:00
Совет за патници: проверете состојба на гранични премини пред поаѓање, планирајте паузи поради засилен сообраќај и одржувајте поголемо растојание, особено на делниците каде се можни одрони.