Skip to content
Одделот за внатрешна контрола, криминалистички истраги и професионални стандарди при МВР поднесе кривична пријава против вработен во Министерството – А.Ќ., кој работел како самостоен инспектор и главен дежурен во Регионалниот центар за гранични работи Исток. Тој се сомничи за кривичното дело „оштетување и неовластено навлегување во компјутерски систем“ согласно член 251 од Кривичниот законик.
Според информациите од истрагата, осомничениот повеќепати со туѓо корисничко име пристапувал во системот за изработка на плати на МВР и вршел измени во евиденцијата на работните часови. Со додавање на лажни податоци, си обезбедувал поголема плата и придонеси, при што противправно се стекнал со финансиска корист на сметка на Министерството.
Покрај кривичната пријава, против инспекторот ќе биде поведена и дисциплинска постапка за нарушување на работниот ред и дисциплина. Тој ќе биде суспендиран до завршување на постапката, а му се одземаат и службеното оружје и муницијата.
