Skip to content
Според најновите податоци на Народната банка на Северна Македонија, во првата половина од годинава во Македонија влегле странски директни инвестиции од 221,2 милиони евра, што е значително намалување во однос на истиот период минатата година кога сумата странски директни инвестиции изнесувала 573,6 милиони евра.
Од НБРСМ информираа дека во текот на вториот квартал од 2025 година, вкупните директни инвестиции во земјава бележат нето-приливи во износ од 75,9 милиони евра, како резултат на нето-приливите кај реинвестирањето на добивката (127 милиони евра) и сопственичкиот капитал (18 милиони евра), при нето-одливи кај должничките инструменти (69,1 милион евра).
Најголем прилив странски директни инвестиции во првата половина од годинава има од Германија (88 милиони евра) и од Турција (39 милиони евра).
Доколку приливот странски инвестиции продолжи со ова темпо годинава ќе биде тешко да се надмине резултатот од минатата година кога земјава урна рекорд во приливот странски инвестиции кои изнесуваа 1,25 милијарди евра.
