Пет членки на ЕУ каде што платите најмногу пораснаа

Според податоците на Евростат, од вториот квартал од 2024 година до вториот квартал од 2025 година, номиналните трошоци за труд по час, плати, се зголемиле во сите земји-членки на ЕУ.

Највисок раст е забележан во Бугарија, дури 13,4 проценти, по што следуваат Унгарија со 11,0 проценти и Романија со 10,4 проценти. Естонија (10,3 проценти) и Грција (10,1 процент) исто така забележаа двоцифрен раст.

Во средината на скалата се Полска (9,5 проценти), Литванија (9,4 проценти) и Словачка (9,1 процент), додека Хрватска забележа раст од 9,0 проценти.

Малку помал раст е забележан во Латвија (8,5 проценти), Чешка (7,7 проценти) и Словенија (7,5 проценти), додека умерени зголемувања се забележани во Холандија (5,9 проценти), Португалија (5,3 проценти), Финска (4,5 проценти) и Кипар (4,2 проценти).

Просекот во ЕУ е 4,1 процент, а најмало зголемување е забележано во Германија (3,8 проценти), Ирска (3,7 проценти), Австрија (3,6 проценти), Шпанија и Италија (и двете 3,4 проценти), Белгија (3,3 проценти), Шведска (2,9 проценти), Луксембург (2,6 проценти), Малта (1,9 проценти), Данска (1,5 проценти) и конечно во Франција, каде што растот беше најнизок – само 1,4 проценти.

Франција е втора најголема економија во Европската Унија, веднаш по Германија, со учество од околу 16 до 17 проценти во вкупниот БДП на Унијата. Според проценките за 2025 година, номиналниот БДП на Франција е приближно 3,3 трилиони долари, што ја става пред Италија и Шпанија. Економијата доминантно се потпира на услужниот сектор, кој генерира повеќе од две третини од вкупната економска активност, додека индустријата и земјоделството остануваат значајни столбови на националната економија.