Skip to content
„Имам 87 години. Сум видела војна, репресија, протести и негативни реакции. Бев славена и жигосана како непријател на државата“, изјави холивудската икона Џејн Фонда. „Но, можам да ви кажам следново: ова е најстрашниот момент во мојот живот.“
Загрижена заради сето тоа, добитничката на Оскар, актерката и прогресивна активистка Џејн Фонда, го рестартираше Комитетот за Првиот амандман, иницијатива за слобода на говорот првично предводена од нејзиниот татко, легендата на филмот Хенри Фонда, како одговор на подемот на „макартизмот“ во текот на 1940-тите.
„Федералната влада повторно е вклучена во координирана кампања за замолчување на критичарите во владата, медиумите, судството, академијата и индустријата за забава“, се вели во соопштението на комитетот. „Одбиваме да стоиме настрана и да дозволиме тоа да се случи.“
Соопштението го потпишаа речиси 600 личности од индустријата за забава, вклучувајќи ги Вупи Голдберг, Итан Хоук, Спајк Ли, Џулија Луис-Драјфус, Арон Соркин, Барбра Стрејсенд, Бен Стилер и Кери Вашингтон.
Џејн Фонда долго време се залага за прогресивни каузи, вклучувајќи ја екологијата, Движењето за граѓански права, движењето за ослободување на жените и движењето за права на ЛГБТК заедницата. Таа јавно протестираше против Виетнамската војна и војната во Ирак.
„Тие се обложуваат на нашиот страв и нашето молчење“, рече таа во својата изјава, без да ги идентификува политичките фигури по име. „Но, нашата индустрија – и уметниците ширум светот – имаат долга историја на одбивање да бидат замолчени, дури и во најтемните времиња.“
Холивуд беше вознемирен минатиот месец откако ABC накратко ја суспендираше доцноноќната ток-шоу на Џими Кимел поради критиките од претседателот на Федералниот комитет за комуникации, кој им замери на коментарите на водителот за човекот обвинет за убиството на конзервативниот активист Чарли Кирк.
