Skip to content
На превојот Стража утрово паѓа снег, а коловозот е влажен и лизгав. Надлежните апелираат возачите да ја приспособат брзината и дистанцата, особено на свиоците и сеновитите делници, каде се задржува влажност и постои ризик од прв мраз. Објавени се и видеоснимки од местото со видливи снежни врнежи и побелени банкини.
Поради променливите услови, се препорачува задолжителна зимска опрема при транзит преку планинските премини, како и проверка на гумите, сопирачките и течноста за зимски услови. Возачите да следат информации од сообраќајната полиција и надлежните служби пред тргнување на пат и да избегнуваат нагли маневри и нагло сопирање на спуштањата кон Кичево/Гостивар.
