Европејците на руски гас за година и пол потрошиле повеќе отколку на помош на Украина

Европејците за руски гас, за година и пол потрошиле повеќе отколку на помош на Украина

Од почетокот на војната во Украина во февруари 2022 година, Белгија потрошила повеќе за увоз на руски течен природен гас (LNG) отколку на помош за оваа земја.

Според групата за притисок за животната средина „Гринпис“, заедно со Франција, Шпанија и Холандија, Белгија учествува со 95 проценти во увозот на течен природен гас од Русија во ЕУ, објавува белгискиот VRT.

Заедно, овие четири земји платиле 34,3 милијарди евра за увоз на руски гас помеѓу 2022 година и средината на оваа година.

Според VRT, ова може да се спореди со вкупно 21,2 милијарди евра билатерална помош за Украина.

Од почетокот на војната, Франција потрошила 12,7 милијарди евра за руски гас. Шпанија потроши 9,5 милијарди евра, а Белгија е трет најголем купувач во ЕУ, потрошувајќи 6,2 милијарди евра за руски течен природен гас (ЛНГ) од 2022 година.

Во меѓувреме, Белгија потроши 3,2 милијарди евра за помош за Украина од февруари 2022 година.

Според извештајот, западнофламанското пристаниште Зебриге стана најголемата единствена точка за влез на руски течен природен гас во ЕУ, т.е. тоа сочинува една четвртина од сите дојдовни испораки на гас во ЕУ од Русија.