Skip to content
Цената на златото годинава забележа рекорден раст од 53%, достигнувајќи повеќе од 4.000 долари за унца, покажуваат податоците на „Ројтерс“. Само во септември цената скокнала за 12%, а раст се бележи и кај среброто, платината и паладиумот.
Аналитичарите објаснуваат дека геополитичките тензии и економската неизвесност се главните причини за ваквиот тренд. Конфликтите во Украина и Газа, нападите во Иран и Јемен, како и поморските нарушувања, го насочија капиталот кон златото – традиционално најсигурното засолниште во кризни времиња.
Дополнително, трговските царини на американскиот претседател Доналд Трамп, силниот долар, упорната инфлација и бавниот раст на европската економија создадоа дополнителен притисок врз глобалниот пазар.
„Овој раст е неверојатен и ни кажува дека нешто не е во ред – инвеститорите се подготвуваат за турбулентни времиња,“ изјави Дан Смит, управен директор на Commodity Market Analytics.