Поради постапките на патниците, турскиот авион слета во Барселона според итни процедури

Патничкиот авион на „Туркиш ерлајнс“ на рутата од Истанбул денес слета на својата дестинација, аеродромот Ел Прат во Барселона, според вонредна процедура за итни случаи

Причината е што патник за време на летот создал пристапна точка до безжичниот Wi-Fi систем на авионот, чие име содржи закана со бомба, објави агенцијата АП.

Портпаролот на „Туркиш ерлајнс“, Јахја Устин, изјави дека е откриена додека авионот се приближувал кон Барселона.

Затоа, на екипажот му било дозволено да слета според итна процедура.

Шпанската полиција го истражува случајот, а аеродромот работи нормално.

Турската новинска агенција Анадолу објави дека пред слетувањето „бил активиран безбедносен протокол во случај на закана со бомба“ и дека се спроведува „постапката потребна врз основа на меѓународните правила за безбедност во воздухопловството“.