Skip to content
Обврската на македонската влада и ставот на Европската Унија мора да се испочитуваат. Нема друг начин. Бугарија има силна позиција во Европската Унија – и како членка и во однос на целата Унија.
Ова го вели во интервју за БГНЕС проф. Денко Малевски, првиот министер за надворешни работи на независна Македонија, во врска со ставот на премиерот Мицкоски: „Додека сум јас премиер, нема да има уставни промени“.
„25 години стоевме на едно место со Грција. Сега повторно стоиме на едно место 5-6-7 години. „Францускиот предлог“ беше добра одлука за да не стоиме на едно место, да преговараме, да се движиме кон членство и паралелно да видиме каде лежат нашите несогласувања“, вели Малески во интервјуто.
Според него, сегашната влада смета дека е направена грешка или „предавство“, што не одговара на принципите на либералната демократија. Тој истакна дека претходната влада се обидела да најде решение, кое, сепак, не добило поддршка во парламентот (гласањето за измените на Уставот).
„Двете земји се обврзани со Договорот за добрососедство. Многу е лошо кандидатот да остане надвор од процесот. Со оваа наша внатрешна политика, ние стоиме надвор од него. Ова е она што може да го произведе македонскиот политички процес и ова е реалноста. Обврската на македонскиот парламент и ставот на Европската Унија мора да се исполнат. Нема друг начин“, посочува Малески во интервјуто за БГНЕС.