Skip to content
По обилните врнежи во текот на ноќта, утрово (15 февруари) на патниот правец меѓу Кичево и Гостивар е регистриран голем одрон кај село Колари, поради што сообраќајот најпрво бил целосно прекинат во раните утрински часови.
Според информациите од диспечерско-информативниот центар на ЈП Македонијапат, од 07:00 часот е воведен наизменичен сообраќај по една коловозна лента, на критичниот потег во должина од околу 30 метри, додека екипите работат на расчистување и обезбедување на делницата.
Од АМСМ апелираат на внимателно возење поради зимски услови и наместа влажни коловози, а возачите да ја приспособат брзината и растојанието, особено во зоната на одронот каде може да има дополнително ситнење на материјал по коловозот.